English
Русский

© НАРХОЗ - 2020. All rights reserved.

Тұрақты Қазақстан ғылыми-зерттеу институты

Брендан Дюпрей, PhD
PhD, Тұрақты Қазақстан зерттеу институтының (SKRI) негізін қалаушы және директоры
Брендан Дюпрей
Қазіргі таңда адамзат пен табиғат әлемінің өзара байланысы тұрғысында консенсустың бұрынғыдан да ерекше артып келе жатқаны байқалады. Коронавирус пен климаттың өзгеруіне байланысты ғаламдық температураның көтерілуі – бұл біздің әрекеттеріміздің қоршаған әлемге қалай әсер ететіндігінің бір мысалы ғана. Тұрақты даму адамзаттың әлеуметтік және экологиялық өркендеуіне ықпал ететін ұзақ мерзімді жүйелі ойлауды қажет етеді. Қазіргі уақытта әлемдік көшбасшылар осы деректі мойындап, Тұрақты даму мақсаттарының (ТДМ) аясында (2015-2030 жылдар) ғаламшардың болашақтағы дамуының жол картасын әзірледі. Бұл мақсаттар бүкіл әлемдегі көшбасшылардың үш нақты мақсатты: экономиканы, қоғамды және қоршаған ортаны қамтитын адами әлеуетті дамытуға арналған басты тақырып ретінде тұрақты дамуды қамтамасыз ететін теңдессіз міндеттемесі болып табылады. Жоғары білім осы мақсаттарға қол жеткізуде негізгі рөл атқарады, осы арқылы студенттердің жұмыс берушілердің жұмыс орнындағы және барлық салалардағы тұрақты құзыреттіліктерге деген жылдам сұранысына қажетті білім, дағдылар мен құндылықтарға ие болуын қамтамасыз етеді. Біздің ректорымыз доктор Станислав Буянскийдің, мектеп декандарының, соның ішінде қоғамдық технологиялар және қоршаған орта мектебінің докторы Эван Симпсонның басшылығымен Нархоз университеті университет өмірінің барлық қырына, оқу бағдарламаларына, стратегиялық құжаттарға, зерттеулерге және кампустың қызметіне тұрақты дамуды қосқан аймақтағы алғашқы жоғары оқу орындарының бірі болды. Кейде тұрақты даму мәселелері шешілмейтіндей болып көрінуі мүмкін, дегенмен барлығымыз үміттеніп, өзіміз қалайтын жақсы әлемді құру үшін әрқайсымыздың күш-жігеріміз қажет. Тұрақты Қазақстан зерттеу институты (SKRI) Нархоз университетінің басшылығымен, қызметкерлермен және студенттермен ынтымақтаса отырып, Нархоз университетіндегі және Алматыдағы үлкен қоғамдастық қызметі арқылы осы пайымды жүзеге асыру барысында өз үлесін қосуға атсалысады. Біз сондай-ақ студенттерді келешектегі жұмысына дайындауға тырысамыз, бұл олардың қызметінің негізіне тұрақтылықты қамтамасыз етеді. Мен Нархоз Тұрақты даму комитетінің мүшелеріне олардың қосқан үлесі және тұрақты даму стратегиясын әзірлеу мен одан әрі іске асырудағы қажырлы еңбегі үшін алғысымды білдіремін. Бұл үдерістің бір бөлігі болу мен үшін үлкен мәртебе, сондықтан алдағы жылдары барлық мүдделі тараптармен қарым-қатынас жасауды асыға күтемін.
Қазақстан 2030 жылға дейінгі кезең ішінде тұрақты даму саласында күн тәртібін қабылдаған әлемнің 193 мемлекетінің бірі болып табылады.

Бұл мақсаттар бүкіл әлем дүниежүзілік көшбасшыларының үш жақты негізгі бағыт, яғни қоғам, қоршаған орта және экономиканы қамтитын адами әлеуетті дамытуға арналған маңызды тақырыбы ретінде тұрақты дамуға айрықша мән беру идеясына теңдессіз айнымастық танытуы болып есептеледі. Жаңа күн тәртібі жалпы адамзаттық,жан-жақты, трансформациялаушы және біріктіруші сипатқа ие. Онда барлық елдерге 2030 жылға дейін аса маңызды мәнге ие бес, атап айтқанда адамдар, планета, гүлдену, бейбітшілік және серіктестік салаларында барша адамзаттың мүддесі үшін бірлесіп әрекеттесуге үндеу бар.

Тұрақты даму орталығы (ТДО-ЦУР) Қазақстанда Премьер-министрдің өкімімен құрылған. Оның ішінде Премьер-министр орынбасарының төрағалығымен ТДО жөніндегі Координациялық кеңес және маңызды салалар бойынша бес салааралық оперативтік топ құрылды. Трансформациялық өзгерістер осы елеулі жаһандық мұқтаждықтарды қанағаттандыруға арналған шешімдер әзірлеуде Қазақстан мен әлемдік қауымдастыққа көмек көрсету үшін барлық секторларда да аса қажет. Қазақстандағы Тұрақты даму институты экологиялық мәселелердің нақты шешімдерін әзірлеуге бағытталған зерттеулерге ерекше назар аудара отырып, әрі серіктестік пен зерттеушілік бастамалар арқылы тұрақты даму мәдениетін құру жолымен Нархоз университетінде, Қазақстанда және бүкіл әлемде осы қайта құру мен түрлендіруге өзінің қомақты үлесін қосуға ұмтылады.
Устойчивое развитие в Казахстане