біріншілігі өтті. Турнирдің мақсаты: Нархоз Универсиетенің студенттері
арасында онлайн шахматты дамыту және танымал ету. Бұл іс-шара көктемгі
Наурыз мейрамына арналды.
Турнирдің ашылуы онлайн режимінде өтті. Құттықтау сөз кезегі: «Дене
тәрбиесі және спорт» орталығының директоры Е.Л. Караваева, Нархоз
Университетінің спорт клубының төрайымы М.Х. Сактаганова және «Дене
тәрбиесі және спорт» орталығының аға оқытушысы, шахмат жаттықтырушысы
М.К. Утегенов. Оқытушылар студенттерді көктемнің жылы, мейірімді
Наурыз мейрамымен құттықтады. Мурат Калибаевич қатысушыларға турнирдің
шарттары мен ережелері туралы егжей-тегжейлі түсіндіріп берді.
Жеке біріншілік блиц түрі бойынша «Lichess.org» алаңында «Арена»
жүйесінде өтті. Әр қатысушыға бір ойынға 5 минут уақыт берілді. Турнир жеке
есепте өтті. Шараның жалпы ұзақтығы үш сағатты құрады.
Турнирге барлығы 19 оқушы қатысты.
Байқау қорытындысы:
1 орынды «Қаржы, экономика, банк ісі» мамандығының 1 курс студенті
Бекзатов Шәкәрім иеленді, нәтижесінде 54 ұпай жинады.
Екінші орынды «Мейрамхана бизнесі және қонақ үй бизнесі»
мамандығының 1 курс студенті Шайзада Бекарыс жеңіп алып, соңында 40 ұпай
жинады.
Үшінші орынды «Ақпараттық технологиялар» 1 курс студенті Садыков
Кайрат иеленіп, 38 ұпай жинады.
Онлайн шахмат турнирінің жеңімпаздары мен жүлдегерлеріне тиісті
дәрежедегі сертификаттар беріледі.