Jas Ala CUP қалалық пікірсайыс турнирі: Жастар өзгерістердің алдыңғы қатарында!

2024 жылдың 8 тамызында Нархоз университетінде Халықаралық Жастар күнін мерекелеуге арналған Jas Ala CUP қалалық пікірсайыс турнирі өтті. 1999 жылы БҰҰ Бас Ассамблеясы белгілеген бұл күн жастардың қазіргі әлемдегі маңыздылығын, олардың жетістіктері мен әлеуетін атап өтуге арналған. 12 тамызда атап өтілетін Халықаралық Жастар күні жас ұрпақтың болашақ қана емес, бүгінгі жаһандық үдерістердің белсенді қатысушылары екенін еске салады.

Jas Ala CUP пікірсайыс турнирі жастар өз әлеуетін ашып, сыни тұрғыдан ойлау мен дәлелдеудің маңызды дағдыларын дамыта алатын орындардың біріне айналды. Іс-шара Алматы қаласы Жастар саясаты басқармасының және Әділ Тынышқбайұлы Нұрпейісовтың төрағалығымен РҚБ Қаз Эко патрульдің қолдауымен өтті. Турнирді Narxoz Университетінің студенттік ұйымдары: «Тұрар» дипломатиялық клубы және «ТЭО» пікірсайыс ұйымы ұйымдастырды.

Турнир Британдық парламенттік пікірталас форматында өтті, оған әрқайсысы екі адамнан тұратын 8 команда қатысты. Әр раундта төрт команда бақ сынасты — екеуі Үкіметтің, екеуі оппозицияның өкілі болды. Қатысушыларға әр раунд басталғанға дейін 15 минут бұрын пікірталас қарарлары берілді, бұл жарыстарға динамика мен шиеленісті қосты.

Турнир қарарлары:
1. Биылғы Олимпиада ойындары ең сәтсіз.
2. Бүкіл әлем бойынша жұмыс күшінің еркін қозғалысы.
3. Романтикалық сезімдерді басу үшін дәрі қажет пе?
Мұндай тақырыптар қазіргі әлемде бұрынғыдан да өзекті және әрбір қатысушы осы маңызды мәселелерді талқылауға өз үлесін қоса алды.

Турнир қорытындысы:
●Бірінші орынды "Нолик на онлике" командасы иеленді, оның құрамына ЭЖМ ҒЗУ түлегі Посвежинский Артём Дмитриевич және ХАТУ түлегі Шайкенов Азат Арманович кірді.
●Екінші орынды КИМЭП студенті Қайыржанов Бекжан және ХАТУ студенті Данила Огай ұсынған "Аргумент А" командасына бұйырды.
●Үшінші орынды Satbayev University студенті Абдилла Асанали мен ЖенПИ студенті Мұхаммед Айдана “Техно” командасы.
●Төртінші орынды "Dialectic Masters" командасы Satbayev University студенттері Айтқали Тілеужан мен Куличенко Владислав иеленді.

Турнир жеңімпаздары жоғары дайындық деңгейін көрсетті, бұл жастардың маңызды талқылауларға қатысуға ғана емес, сонымен қатар өзекті мәселелердің шешімдерін ұсынуға дайын екендігін дәлелдеді

Jas Ala CUP қалалық пікірсайыс турнирі Халықаралық Жастар күнін мерекелеу аясындағы маңызды оқиға болды, жастардың қазіргі қоғамдағы маңыздылығын тағы да атап өтті. Мұндай іс-шаралар жастардың негізгі дағдыларын дамытып қана қоймай, сындарлы диалог пен өзара сыйластық мәдениетін нығайтатынына сенімдіміз.