BBA in Economics

  • Бағдарлама туралы

    "Экономика" білім беру бағдарламасы ұлттық экономиканың барлық деңгейлерінде жұмыс істеу үшін аналитикалық креативті ойлау қабілеті бар экономист-талдаушыларды дайындайды.


    Олар нарықтың әртүрлі шаруашылық жүргізуші субъектілері қызметінің экономикалық процестерін экономикалық талдауды, жоспарлауды және болжауды жүзеге асыруға, олардың даму стратегиясын әзірлеуге, инвестициялық және инновациялық

    жобалардың экономикалық негіздемесін жүзеге асыруға, бизнес-процестерді басқаруға, өз бизнесін ұйымдастыруға және кәсіпкерлік қызметпен айналысуға қабілетті болады.


    ОҚЫТУ ТІЛІ - АҒЫЛШЫН

Рейтингтер және аккредиттеу

Бағдарлама CIMA (Chartered Institute of Management Accountants) бойынша аккредиттелген, НААР (IAAR) мамандандырылған аккредиттеуден өтті және АССА-мен сертификатталды. 2021 жылдың қорытындысы бойынша "Нархоз" Университетінің "Экономика" білім беру бағдарламасы рейтингте мәлімделген 53 ЖОО-ның ішінен "Атамекен" рейтингінде 4-орынды иеленді.

"Экономика" БББ түлегі кәсіби білім ала алады, атап айтқанда:

- компания қызметіне экономикалық талдау жүргізуге, материалдық, еңбек, қаржылық шығындар бойынша есептерді дайындауға қабілетті;

- компания бюджетін қалыптастыруға, бюджеттің орындалуын есепке алуға және бақылауға, сондай-ақ, бюджетке тұрақты талдау жүргізуге қабілетті;

- компанияда жоспарлау процесін әкімшілендіруге қабілетті;

- нарықты зерттеуге және болжауға, сондай-ақ, өнімді тиімді өткізу нарықтарын анықтауға қабілетті;

- өндірістің экономикалық тиімділігін есептеп, жаңа техника мен инновацияларды енгізуге қабілетті;

- үнемдеу режимін енгізу, өндіріс рентабельділігін, өнімнің бәсекеге қабілеттілігін, еңбек тиімділігін арттыру, өндіріс, өнімді өткізу шығыстарын азайту бойынша шаралар әзірлеуге қабілетті;

- кәсіпорындардың, салалық нарықтардың және өңірлердің даму үрдістерін негіздеуге, экономикалық-математикалық әдістерді, статистика әдістерін және ақпараттық технологияларды пайдалана отырып, олардың қызметін болашаққа болжауға қабілетті.

Экономист мамандығының тартымдылығы экономиканың кез келген саласында жұмыс табуға мүмкіндік береді:

- өнеркәсіпте;

- құрылыста;

- ауыл шаруашылықта;

- көлік саласында;

- банк саласында;

- мемлекеттік басқару органдарында;

- білім беру және ғылыми-зерттеу саласында.

Оқу жоспары бойынша ақпарат

Мектептің негізгі пәндері:
  • Басқарушылық экономикасы
  • Бизнес этикасы
  • Қаржылық есеп беруге кіріспе
  • Шешім қабылдау үшін есеп
  • Менеджмент негіздері
  • Маркетинг негіздері
  • Қаржы негіздері
  • Стратегиялық менеджмент
  • Ұйымдық мінез-құлық
  • Корпоративті бизнес-құқық
Мамандықтың негізгі пәндері
  • Микроэкономика
  • Макроэкономика
  • Кәсіпорын экономикасы
  • Экономикалық талдау
  • Еңбек нарығы экономикасы
Мамандығының таңдау пәндері
  • Салалық нарықтардың экономикасы
  • Аймақтық даму экономикасы
  • Тұрақты даму экономикасы
  • Әлеуметтік мәселелерді экономикалық талдау
  • Инновация және технологиялар экономикасы
  • Инвестициялық жобаларды талдау
  • Шығындарды басқару
Тағылымдама және дипломдық жұмыс

Үшінші және төртінші курс студенттері алған білімдерін іс жүзінде әртүрлі компанияларда, сондай-ақ, дипломдық жобада үш бағыттың бірі бойынша қолдана алады:

1. Жергілікті стартаптар немесе компаниялар үшін индустриялық бейіндік жоба

2. Нархоз университеті профессорларының басшылығымен ғылыми-зерттеу жобасы

3. Кейсті шешу немесе шығармашылық стартапты әзірлеу бойынша жұмыс