Бизнес право

Бірлескен жұмыс шеңберінде "Нархоз университеті" КЕАҚ құқық және мемлекеттік басқару мектебі мен Ковентри университетінің құқық мектебі сапалы халықаралық заң білімін Орталық Азия мен Азия өңірінің барлық студенттері үшін қолжетімді ету сияқты бірыңғай мақсатты іске асыруға ұмтылады. (Bachelors of Law — LL.B) - Нархоз университеті мен Ковентри университетінен қос диплом бағдарламасына қосыла отырып, студенттер төрт жыл ішінде бизнес-құқық, сауда және қаржы құқығы немесе халықаралық құқық саласындағы маман болады және бірден құқық бакалаврының екі дипломын алады.

Студенттер алғашқы үш жылын Алматыда өткізеді, ал төртінші курсқа оқуын аяқтау үшін Ковентриге (Ұлыбритания) барады. Нархоз университетінде оқу кезінде студенттер Қазақстан мен Ұлыбританияда қолданылатын құқықтық нормалар мен қағидалар саласында маңызды теориялық және практикалық іргетас қалайды, ал соңғы жыл Ковентриде мамандану саласына барынша терең бойлауға бағытталған. Қос диплом аясындағы барлық оқу бағдарламалары Ковентри құқық мектебінің бағдарламаларын толығымен қайталайды және жыл сайын Британ университеті тарапынан сапаны мұқият бақылауға алынады. Бұл бағдарлама Қазақстан, Орталық Азия және Азия өңіріндегі студенттерге бүкіл оқу мерзімі ішінде Ұлыбританияда оқуға және тұруға арналған шығыстардың жоғары ауыртпалығын көтеру қажеттілігінсіз Британдық құқық бакалаврының толыққанды дәрежесін алу мүмкіндігін беру үшін әзірленді.
Кроме того, студенты, успешно окончившие программу бакалавриата, получают возможность завершить магистратуру в Ковентри всего за 1 год и по итогу получить два диплома Бакалавра права и диплом Магистра права (Master of Laws — LL.M) всего за 5 лет.

Ковентри университетінің құқық мектебі құқық пәнінен 50 жылдық тәжірибеге ие және жақында Халықаралық Заң мектептері қауымдастығының қатарына қабылданды. Мектептің барлық оқу курстары нарық талаптарын ескере отырып әзірленген және оқуды аяқтағаннан кейін бірден жұмысқа орналасуға бағдарланған.

Біздің бакалавриат курсы (LL.B) заңгерлердің қызметін реттеу жөніндегі Британдық басқармамен (Solicitors' Regulation Authority) және барристерлер стандарттары жөніндегі комиссиямен (Bar Standards Board) аккредиттелген, сондай-ақ сізде алған біліміңіз бен дағдыларыңызды Coventry Law Centre заң клиникасында практикада пысықтау мүмкіндігі болады. Арнайы біздің студенттер үшін біз сот отырыстарының оқу залына кіруге рұқсат аштық, онда олар қатардағы сабақтар шеңберінде қазіргі заманғы сот үдерісімен таныса алады, сондай-ақ адвокат болып жұмыс істеу дағдыларын дамыту мақсатында беделді жарыстарға (moot-court) қатыса алады.

Магистратура деңгейінде оқыту сапасын арттыру үшін (LL.M) біз біліміміз бен дағдыларымыз студенттеріміздің дамуына көмектесетін әлемнің түкпір-түкпірінен сарапшыларды тартамыз.

Сонымен қатар, Ковентри Заң мектебі дарынды студенттерді қолдайтын, түлектерге жұмыс орындарын ұсынатын, сот жарыстарына (moot court) бөлек демеушілік жасайтын және университет кампусында бізбен бірге жұмыс істейтін жергілікті фирмалармен тығыз байланыста.

Қос диплом бағдарламасы аясында алған дағдылар мен білімдер заманауи жұмыс берушілердің талаптарына толық сәйкес келеді және студенттерді жаһандық еңбек нарығы жағдайында жұмыс істеуге дайындайды. Нархоз университетінің Мансап орталығы да, Ковентри университетінің Мансап орталығы да әрбір студентке барлық қажетті кеңестер беруге, жұмысқа орналасу мүмкіндіктерін ұсынуға, түйіндемелер мен конкурстарға өтінімдерді талқылауға және тексеруге, сондай-ақ жыл сайынғы Бос орындар жәрмеңкесіне қатысуға шақыруға дайын.

Осы бағдарламаны сәтті аяқтағаннан кейін сізде зерттеу, талдау, сыни талдау, бағалау, проблемаларды шешу, қарым-қатынас, шешендік өнер және рефлексиялық оқыту саласындағы бірқатар дағдылар болады.

Нархоз университеті мен Ковентри университетінің бірлескен бағдарламасының міндеті - сізді болашақ мансапқа дайындау және әрбір түлегімізге еңбек нарығында ең жақсы бәсекелестік артықшылықтарын беру!