Еуропалық және Халықаралық бизнес құқығы

Қос дипломдық бағдарламасы

Бағдарлама туралы

Құқық және мемлекеттік басқару мектебі сіздерге Еуропаның құқық саласындағы жетекші ЖОО-Миколас Ромерис университетімен (Литва) бірлесіп әзірленген "Халықаралық бизнес — құқық" қос диплом бағдарламасын ұсынуға қуанышты.

"Халықаралық бизнес-құқық" бағдарламасы жаһанданудың, инновациялар мен қазіргі заманғы технологиялардың әсерін ескере отырып, заң саласындағы өзгерістерге жедел ден қоюға қабілетті мамандарды даярлауға арналған. Осы практикаға бағытталған бағдарламаны аша отырып, біз бизнес-құқықты қолдану, халықаралық іскерлік келісімшарттарды әзірлеу және талдамалық дағдыларды дамыту саласындағы қатаң мамандануды айқындадық, бұл бүгінде заң қызметтері саласындағы көшбасшы компаниялар тарапынан жоғары сұранысқа ие.

Оқу шеңберінде магистранттар корпоративтік құқық, қаржы, трансшекаралық бірігу және қосып алу, салық салу, халықаралық сауда, монополияға қарсы заңнама, зияткерлік меншік және халықаралық дауларды шешуге қатысты мәселелер бойынша іргелі академиялық және кәсіби дайындық алады.

Бағдарлама аяқталғаннан кейін түлектер

-1-

Халықаралық қаржылық және экономикалық қатынастарды реттейтін халықаралық құқықтық актілерді білікті түсіндіру.

-2-

Халықаралық экономикалық және қаржылық өмірдің құбылыстарына, оқиғалары мен фактілеріне талдау жүргізу және біліктілік беру.

-3-

Ұлттық нормативтік құқықтық актілердің жобаларына олардың халықаралық құқық нормалары мен қағидаттарына, сондай-ақ сыбайлас жемқорлыққа қарсы стандарттарға сәйкестігі тұрғысынан заң сараптамасын жүргізуге қатысу.

-4-

Халықаралық экономикалық мәселелер бойынша білікті заң қорытындылары мен консультациялар беру.

-5-

Қарым-қатынас дағдылары мен заңды жазуды меңгеру, барынша тиімді нәтижеге қол жеткізу мақсатында ұжымда жұмыс істеу.

-6-

Заң техникасының тәсілдері мен қағидаларын пайдалана отырып, Нормативтік құқықтық актілерді және өзге де заң құжаттарын әзірлеуге қатысу.

Негізгі пәндер

Еуропалық және халықаралық корпоративтік құқық
Бұл пән бизнес құрылымдардың тиімді жұмыс істеуі үшін еуропалық және халықаралық құқықтық базаны үйлестіруге бағытталған. Магистранттар әртүрлі құқықтық нормаларды, заңдық тәуекелдерді біріктірудің айырмашылықтары мен негіздері, оларды төмендету жолдары және Еуропаның және халықаралық құқықтың түйісуіндегі бизнестің жұмыс істеу ерекшеліктері туралы түсінік алады.
Еуропалық және халықаралық еңбек құқығы
Пән халықаралық еңбек құқығы жүйесі туралы жан-жақты түсінуді қамтамасыз етеді, халықаралық еңбек құқығы мен халықаралық жеке еңбек құқығының бір-біріне өзара әсеріне ерекше назар аударады.
Халықаралық салық құқығы
Халықаралық салық құқығы бойынша сабақтарда студенттер әлемдік нарықта жұмыс жасау кезінде салықтық қатынастарды құқықтық реттеудің негізгі проблемаларымен және механизмдерімен танысады, сонымен қатар халықаралық салық құқығында қолданылатын негізгі ұғымдар мен институттарды жүйелі түрде зерттейді.
Сәйкестік
Сәйкестік немесе тәуекелдерді басқару дағдылары қазіргі кезде халықаралық және ұлттық заңдардың нәзіктіктері аясында жұмыс істейтін бизнес құрылымдар арасында үлкен сұранысқа ие. Пән шеңберінде студенттер соңғы заңнаманы және халықаралық тәжірибені ескере отырып, комплаенс-тәуекелдерді басқарудың теориялық және практикалық мәселелерімен танысады.
Халықаралық сауда құқығы
Бұл пәннің негізгі міндеті - студенттердің білімін жалпылау және ең ірі институционалдық құрылымдардың - ДСҰ, ЕС, ЕАЭО және басқаларының құқықтық нормаларымен жұмыс істеу дағдыларын дамыту.
Халықаралық коммерциялық арбитраж
Халықаралық коммерциялық арбитраж курсы жекелеген елдердің арбитражын да, халықаралық құрылымдарды қоса алғанда, халықаралық азаматтық-құқықтық қатынастарға қатысушылар арасындағы дауларды шешуге арналған мемлекеттік емес институттар жүйесін зерттеуді қамтиды. Пән аясында студенттер арбитраждық келісімдерді жасау, сот процестеріне қатысу, сондай-ақ халықаралық арбитраж шешімдерін орындау бойынша практикалық дағдыларды үйренеді.

Бағдарламаның бірегей артықшылықтары

Сабақтар кәсіпкерлік, банктік және экономика секторларының кәсіби заңгерлерін тарта отырып өткізіледі.
Магистранттар халықаралық теориялық құқық саласында кең теориялық білім мен тәжірибеге бағытталған құзыреттіліктер алады және оқу бітіргеннен кейін трансұлттық корпорациялар мен мемлекеттік органдарда жұмыс істеуге дайын.
Бағдарлама құқықтану саласындағы Еуропадағы жетекші жоғары оқу орындарының бірі - Миколас Ромерис Университетінің Заң мектебімен (Литва) бірлесіп жүзеге асырылады.
Әрбір оқу пәні бойынша білім беру бағдарламасын іске асыру кезінде оқытудың сәйкес технологиялары және, ең алдымен, интерактивті формалар: рөлдік және іскерлік ойындар ұсынылады; миға шабуыл және жобалау әдістері, шағын топтарда жұмыс; ситуациялық міндеттерді, инциденттерді шешу; дөңгелек үстелдер, дебаттар, пікірталастар және т.б. өткізу.
Студенттер халықаралық бизнес, экономика және қаржы саласында жұмыс жасайтын Қазақстан Республикасының мемлекеттік корпорациялары мен трансұлттық құрылымдарында тәжірибеден өтеді.

Халықаралық ынтымақтастық

Миколас Ромерис университеті - Литвадағы әлеуметтік ғылымдар мен пәнаралық зерттеулер бойынша жетекші университет. Қазіргі уақытта университетте 7500 студент, оның ішінде 600 шетелдік студент және 400-ден астам оқытушы қызмет атқарады. Университет бакалавриат, магистратура және докторантура бағдарламаларын ұсынады, оның 80% -дан астамы халықаралық аккредитацияға ие . Қос бағдарлама QS рейтингісінде әлемнің 300 заң мектебінің қатарына кіретін Николас Ромерис университетінің заң мектебімен ынтымақтастықта жүзеге асырылуда.

Мансап және жұмыс

Құқық үлкен деректерге негізделген ғаламдық, технологиялық және көп салалы салаға айналған сайын дәстүрлі заң практикасы қысқаруда. Бұл өз өмірін заң мен әділеттілікке арнаймын деп шешкендердің бәріне тап болатын қатал шындық.

<Халықаралық кәсіпкерлік құқық>бағдарламасы жұмыс берушілердің талаптарына сай , заң әлемінде табысты жұмыс жасау үшін болашақ заңгерлерді біліммен, дағдылармен және құралдармен қаруландыруға арналған. Халықаралық бизнес құқығы бойынша магистратураны бітіргеннен кейін, түлектер тәжірибеде өз құзыреттерін қолдануға, әсіресе күрделі халықаралық мәмілелер саласында толық дайын болады.

Алынған білім мен дағдыларға трансұлттық корпорациялардың, халықаралық ұйымдардың, үкіметтік емес ұйымдар мен қаржы институттарының заң бөлімдері кеңінен сұранысқа ие. Нархоз университеті мен Николас Ромерис Университетінің халықаралық бизнес құқығы бойынша қос дипломды бағдарламасын аяқтағаннан кейін сіз өзіңізге бизнес саласындағы жетекші ойыншылардан рекрутерлердің назарын аударатындығыңызға сенімді болыңыз.
Қалай түсуге болатынын біліңіз