Исабаев Мурат Маратович – PhD Экономика, қауымдастырылған профессор, Нархоз Университетінің «Докторантура» ҒББД

Жарияланымдар: 16-дан астам ғылыми жарияланымдар авторы, оның ішінде Resources Policy, Economics Bulletin және Global Economy Journal рецензияланатын журналдарда жарияланған мақалалар, сонымен қоса «Applied Econometrics» оқу құралының бірлескен авторы.

Зерттеу бағыты: Халықаралық сауда, энергетикалық экономика.

Молдашев Кайрат Булатович – Саяси экономика PhD докторы, қауымдастырылған профессор, Нархоз Университетінің ғылым жөніндегі вице-провосты.

Жарияланымдар: 20-дан астам ғылыми жарияланымдардың, оның ішінде Journal of International Relations and Development және Studies in Higher Education сынды журналдарда мақалалардың, Routledge және Palgrave баспаларының жинақтарында тараулардың авторы, сондай-ақ «От идеи к публикации» атты ғылыми зерттеулер әдіснамасы бойынша оқу құралының авторы.

Ғылыми бағыты: Аймақтық интеграцияның саяси экономикасы, сәйкестілік саясаты, халықаралық экономика, жоғары білімді зерттеу.

Монобаева Агипа Ивановна – PhD докторы (Мемлекеттік және жергілікті басқару). Диссертациялық кеңестің ғылыми хатшысы.

Жарияланымдар: 20-дан астам жарияланымдардың, оның ішінде ҚР БҒМ БҒССҚК ұсынатын журналдарда және халықаралық деректер базасында (Scopus және т.б.) индекстелетін халықаралық журналдардағы мақалалардың авторы.


Зерттеу бағыты: Бизнес-білім, Кәсіпкерлік. Жоғары және жоғары оқу орнынан кейінгі білім беру жүйесін мемлекеттік басқару. Білім беруді интернационалдандыру.

Қожахмет Санат Темірғалыұлы – PhD, қауымдастырылған профессор, Сулейман Демирель атындағы Университетінің ғылым бойынша проректоры. Қожахмет С. Т. Лидс Университетін (Ұлыбритания) адам ресурстарын басқару мамандығы бойынша бітірді, Малайя Университетінде (Малайзия) докторантура бағдарламасын сәтті аяқтады, диссертация қорғап, «Білім басқару» мамандығы бойынша PhD дәрежесін алды. Педагогикалық жұмыс тәжірибесі (оқытушылық) – он жылдан астам.

Жарияланымдар: 10-нан астам ғылыми жарияланымдардың авторы, оның ішінде Personnel Review Journal (Emerald – баспасы), Journal of International Management (Elsevier – баспасы), Studies in Higher Education (Taylor & Francis – баспасы), Technology in Society (Elsevier – баспасы), International Journal of Human Resource Management (Taylor & Francis – баспасы), Journal of Workplace Learning (Emerald – баспасы) және т.б. рецензияланатын журналдардағы мақалалар және докторантура бағдарламасының (PhD) студенттеріне арналған «Анализ качественных данных» және «Анализ количественных данных» оқу курстарының әзірлеушісі.

Зерттеу бағыты: Білімді басқару, Адам ресурстарын басқару, Ұйымдастырушылық мінез-құлық және қолданбалы психология.

Кенебаева Айнур Сейтбатталовна – PhD, MIB, «Әлеуметтік және гендерлік зерттеулер ғылыми-зерттеу институты» ҒЗИ директоры – диссертациялық кеңестің мүшесі.

Жарияланымдар: 30-дан астам жарияланымдардың авторы, оның ішінде халықаралық рецензияланатын журналдарда (Web of Science, Scopus) жарияланған 6 мақала, оның ішінде 5 мақала импакт-факторы Q1-Q2 категориялы 5 мақала, Р БҒМ БҒССҚК ұсынатын журналдарда 14 жарияланым, ағылшын тілінде монография, шетелдік баспада (IGI Global) жарияланған ағылшын тіліндегі кітаптың бірлескен авторы.

Зерттеу бағыты: туризм және қонақжайлылық, кәсіпкерлік, маркетинг, тұтынушылық мінез-құлық, зерттеу әдістемесі, білім беру.

Ергалиев Канат Раимханович – экономика ғылымдарының кандидаты, қауымдастырылған профессор, «Менеджмент және маркетинг» ҒББД жетекшісі.

Жарияланымдар: 30-дан астам жарияланымдардың, оның ішінде 4 оқу құралы (бірлескен автор), 1 монография (авторлар ұжымы), халықаралық ғылыми журналдарда, ВАК және ҚР БҒМ БҒССҚК ұсынатын журналдарда жарияланған мақалалардың авторы.

Зерттеу бағыты: басқару теориясы мен практикасының мәселелері, контроллинг жүйесін енгізу теориясы мен практикасы, менеджменттің дамуының заманауи аспектілері.